Ֆրանսիան Ռուսաստանից խնդրել է վերադարձնել Նապոլեոն Բոնապարտի համախոհներից մեկի՝ գեներալ Գյուդենի մնացորդները, հաղորդում է Le Point-ը:
Պարբերականի աղբյուրների համաձայն, Ֆրանսիայի առաջնորդ Էմանուել Մակրոնը «խնդրել է սկսել գեներալի մնացորդների տեղափոխման հետ կապված գործողությունների կազմակերպումը»: Նա նաև Ռուսաստանի նախագահ Վլադիմիր Պուտինի մասնակցությամբ արարողություն է նախատեսել: Ակնկալվում է, որ Գյուդենի հիշատակը կհարգեն Փարիզի Հաշմանդամների տանը: Դրանից հետո մնացորդները թաղվելու են:
Հուլիսին ռուսաստանցի հնագետները Գյուդենի մնացորդները հայտնաբերել են Սմոլենսկում գտնվող Թագավորական բաստիոնի պեղումների ժամանակ: Դիակը գտնվել է փայտե դագաղի մեջ:
Շառլ Էթյեն Գյուդեն դե լա Սաբլոնիերը (1768-1812) Նապոլեոն Բոնապարտի հետ սովորել է Բրիենի ռազմական դպրոցում, եղել է Ֆրանսիայի կայսրի մտերիմ ընկերը և դաշնակիցը: