ՅՈՒՆԵՍԿՕ-ն բացառել է Բելգիայի Ալստ քաղաքում անցկացվող ավանդական փողոցային կառնավալը Համաշխարհային ոչ նյութական մշակութային ժառանգության ցանկից: Որոշումը կայացվել է Բոգոտայում ոչ նյութական մշակութային ժառանգության պահպանության հարցերով միջկառավարական հանձնաժողովի նիստում՝ հակասեմիտիզմի դրսևորումների պատճառով՝ հայտարարել է կազմակերպությունը ուրբաթ օրը՝ դեկտեմբերի 13-ին:
«Ռասիստական և հակասեմական հայացքների համակարգված կրկնությունը անհամատեղելի է ոչ նյութական մշակութային ժառանգության պահպանության մասին 2003 թվականի կոնվենցիայի հիմնարար սկզբունքներին»,- ասվում է հայտարարության մեջ:
ՅՈՒՆԵՍԿՕ-ն նաև հիշեցրել է, որ հավատարիմ է ժողովուրդների միջև արժանապատվության, հավասարության և փոխադարձ հարգանքի հիմնարար սկզբունքներին, ինչպես նաև դատապարտում է ռասիզմի, հակասեմիտիզմի և այլատյացության բոլոր ձևերը:
