ՍԴ դատավորներին վաղաժամ կենսաթոշակի գնալու հնարավորություն տվող օրենքը առկա անհրաժեշտությամբ է թելադրված, որպեսզի ՍԴ-ում առկա ճգնաժամը լուծվի, որն, այո, կա։ Այս մասին «Առաջին լրատվական»-ի հետ զրույցում նշեց նախկին դատավոր Պարգև Օհանյանը՝ հավելելով, որ դրանով նաև ՍԴ լեգիտիմության հարցը կլուծվի. «Ինչպես ասում են, որպեսզի և ոչխարները ողջ լինեն, և գայլերը՝ կուշտ։ Վերջին հաշվով այդ ճգնաժամը պետք է լուծվի։ Ես հումորով ասում եմ, որ այս օրենքն ավելի ձեռնտու է նոր նշանակված դատավորներին, որոնք 8 տարուց էլի իրավունք չեն ունենալու ՍԴ դատավոր լինել։ Այսինքն 8 տարի անց չեն իմանալու ինչ անել, իսկ հիմա կարող են գնալ թոշակի և մինչև կյանքի վերջ ստանալ այս աշխատավարձը։»,-ասաց նա։
Օհանյանը նաև նշեց, որ ինքը հոռետես է, թե ՍԴ անդամները կօգտվեն այդ օրենքի ընձեռած հնարավորությունից, թեև ոչինչ չի բացառում։