Ամերիկացի, ավստրալացի և հոլանդացի գիտնականները պարզել են, որ էոցենի դարաշրջանում կլիման Անտարկտիդայի մի քանի շրջաններում նման է եղել Ֆլորիդայի և Կալիֆոռնիայի ներկայիս կլիմային: Այս մասին հոդվածը հրապարակված է Proceedings of the National Academy of Sciences ամսագրում:
Հետազոտողները նկատել են, որ էոցենի դարաշրջանում Անտարկտիդայի որոշ շրջաններում ջերմաստիճանը հասել է 17 աստիճան Ցելսիուսի և միջինը հավասար եղել 14 աստիճանի՝ Կալիֆոռնիայի ափի համար ժամանակակից միջին տարեկան ցուցանիշին:
Խաղաղ օվկիանոսի հարավային մասում և հարակից ցամաքային տարածքներում միջին տարեկան ջերմաստիճանը հավասար է եղել 22 աստիճանի, ինչը դիտվում է ժամանակակից Ֆլորիդայում, Անտարկտիդայի մյուս մասերում ջերմաստիճանը ցածր է եղել: Հետազոտողները դա կապում են Խաղաղ օվկիանոսում ջերմաստիճանի գրադիենտի առկայության հետ, որը դարձել է օվկիանոսային հոսանքների հայտնվելու հիմք:
