Բրազիլիայի նախագահ Ժաիր Բոլսոնարուն հայտարարել է, որ, հնարավոր է, մաշկի քաղցկեղ ունի, ինչը նախագահը կապում է արևի տակ երկար մնալու հետ:
«Ես բաց գույնի մաշկ ունեմ, միշտ սիրել եմ ձկնորսությամբ զբաղվել, գերադասում են ակտիվ կենսակերպ․ հավանականություն կա, որ մաշկի քաղցկեղ ունեմ», – գրում է Globo-ն՝ մեջբերելով պետության ղեկավարի խոսքերը:
Իր ինքնազգացողության մասին հարցին Բոլսոնարուն կատակով պատասխանել է, որ փոխնախագահ Մոուրաուն դեռևս կմնա որպես երկրի երկրորդ դեմք:
Բրազիլիայի առողջապահության նախարարության վիճակագրության համաձայն՝ մաշկի քաղցկեղին բաժին է ընկնում երկրում չարորակ ուռուցքների շուրջ մեկ երրորդը: Առավել հաճախ այն հանդիպում Է բաց գույնի մաշկով, 40-ից բարձր տարիքով մարդկանց մոտ: