«Հրապարակ»-ը գրում է. «Խիզախ հրամանատարի» և, ինչպես պարզվեց, համատեղությամբ «դիպլոմավորված իրավաբանի» հետ ծանոթացել եմ 14 տարի առաջ՝ խորհրդարանական հրաձգությունից մի քանի ամիս հետո։ Այդ շրջանում Վազգեն Սարգսյանի ամբողջ մերձավոր շրջապատն ընդգծված հակաքոչարյանական էր։ Բացառություն չէր և գեներալ Մանվելը։
«Երկրապահի» կարիքների համար ինձնից 50 հազար դոլար ստանալով և իմանալով, որ Քոչարյանի հրաժարականի պահանջով զանգվածային հանրահավաք է նախապատրաստվում, նա այնքան ոգեշնչվեց, որ աղմկոտ խնջույք կազմակերպեց իր «ֆազենդայում»։
Գեներալը կրակոտ ելույթներ ունեցավ, և յուրաքանչյուր խմած բաժակից հետո նրա բաժակաճառերն ավելի ու ավելի էին անպարկեշտ արտահայտությունների բառարան հիշեցնում, որն առատորեն ներկայացված է մեր լեզվի համապատասխան ժարգոնում։
Հակաքոչարյանական հանրահավաքին մասնակցելու հանդիսավոր խոստումը դարձավ բորբոքված Մանվելի հռետորության փառաբանումը։ Ավելի մեծ համոզչականության համար նա ամրապնդեց այն սարսափելի անեծքներով և կեղտոտ հայհոյանքներով՝ իր իսկ երեխաների հասցեին, այն դեպքում, եթե նրանք խախտեն գեներալական խոսքը։
Եվ այս ամենը՝ կնոջ և երեխաների ներկայությամբ։
Այնուամենայնիվ, 2000 թվականի հոկտեմբերի 30-ի հանրահավաքին, որտեղ, տարբեր գնահատականներով, հավաքվել էր 70-80 հազար մարդ, գեներալը չկար։
Արկադի ՎԱՐԴԱՆՅԱՆ
«Երևան-կենտրոն» ՔԿՀ 02.04.2014
Մանրամասները՝ թերթի այսօրվա համարում:
