Միացյալ Նահանգները Ռուսաստանից խնդրել է որպես Վենեսուելայի առաջնորդ`աջակցել Խուան Գուայդոյին, հայտարարել է ԱՄՆ պետքարտուղար Մայք Պոմպեոն:
«Մինչ Նիկոլաս Մադուրոն շարունակում է մնալ իշխանության ղեկին, խնդիրները Վենեսուելայում մնում են չլուծված: Մենք Ռուսաստանի կառավարությանը դիմել ենք ժողովրդավարությանը և նախագահ Խուան Գուայդոյին աջակցելու խնդրանքով՝ ազատ և արդար ընտրություններ ապահովելու համար»,- հայտարարել է Պոմպեոն ՌԴ ԱԳՆ ղեկավար Սերգեյ Լավրովի հետ բանակցությունների արդյունքներով:
Վենեսուելայում հունվարի 21-ին զանգվածային բողոքի ցույցեր սկսվեցին նախագահ Նիկոլաս Մադուրոյի դեմ՝ նրա երդման արարողությունից անմիջապես հետո: Ընդդիմության վերահսկողության տակ գտնվող Ազգային ժողովի ղեկավար Խուան Գուայդոն իրեն պետության ժամանակավոր ղեկավար հռչակեց: Մի շարք արևմտյան երկրներ Միացյալ Նահանգների գլխավորությամբ հայտարարեցին Գուայդոյի ճանաչման մասին: Ռուսաստանը, Չինաստանը, Թուրքիան և մի շարք այլ երկրներ աջակցեցին Մադուրոյին` որպես լեգիտիմ նախագահի:
