Իմպիչմենթի գործընթացի շրջանակում երկու հոդվածները, որոնց հիման վրա մեղադրանք են առաջադրել ԱՄՆ նախագահ Դոնալդ Թրամփին, չեն վնասի նրան, քանի որ տվյալ մեղադրանքները կեղծ են, ասվում է Սպիտակ տան երեքշաբթի օրը տարածած հայտարարությունում:
Այնտեղ նաև նշվում է, որ նախագահը մտադիր է իր ճշմարտացիությունը պաշտպանել սենատում:
«Այսօր միակուսակցական, օրինական հիմք չունեցող, փորձի շրջանակում, որն ուղղված է գործող նախագահի իշխանությունը խաթարելուն, խոսնակ Փելոսին և ներկայացուցիչների պալատի դեմոկրատները հայտարարեցին իրենց ֆիկտիվ իմպիչմենթի նախապես որոշված արդյունքի մասին, ինչին նրանք ձգտում էին դեռ նախագահ Թրամփի երդմնակալությունից առաջ», – ասվում է Սպիտակ տան խոսնակ Ստեֆանի Գրիշամի հայտարարության մեջ:
Ինքը՝ Թրամփը, Twitter-ի իր էջում գրել է, որ «Նադլերը (պալատի դատական հարցերով հանձնաժողովի նախագահ) հենց հիմա ասաց, որ ես «ճնշում եմ գործադրել Ուկրաինայի վրա, որպեսզի նրանք միջամտեն 2020-ի ընտրություններին»: Ծիծաղելի է, նա գիտի, որ դա ճիշտ չէ: Ուկրաինան բազմիցս ասել է, որ տվյալ դեպքում որևէ ճնշում չի եղել: Նադլերը և դեմոկրատները դա գիտեն, բայց հրաժարվում են ընդունել դա:
