«Նորմանդական քառյակի» ղեկավարները Փարիզում կայացած գագաթնաժողովի արդյունքներով ընդունել են պաշտոնական հաղորդագրություն՝ բաղկացած երեք կետից. «Անհապաղ միջոցներ հակամարտության գոտում իրավիճակի կայունացման համար», «Մինսկի համաձայնագրերի քաղաքական դրույթների իրականացման միջոցառումներ» և «Շարունակություն»:
Կողմերը հավանություն են տվել Դոնբասի երեք նոր հատվածում մինչև 2020 թվականի մարտին ուժերի հեռացման ծրագրին: «Նորմանդական քառյակի» ղեկավարները պայմանավորվել են աջակցել Դոնբասում 30 օրվա ընթացքում նոր անցակետերի բացման շուրջ շփման խմբի ձեռք բերած պայմանավորվածությունները: Ինչպես նաև քննարկվել է մինչև տարեվերջ ռազմագերիների փոխանակման հարցը՝ «բոլորին բոլորով» սկզբունքով:
Ընդհանուր առմամբ բանակցությունները տևել են 5,5 ժամ, որից 1,5 ժամը հատկացվել է Ռուսաստանի և Ուկրաինայի ղեկավարների հանդիպմանը:
Ֆրանսիայի նախագահ Էմանուել Մակրոնը նշել է, որ «նորմանդական ձևաչափով» հաջորդ գագաթանաժողովը կգումարվի առաջիկա չորս ամսում: