ՌԴ նախագահ Վլադիմիր Պուտինը ապրիլի 21-ին հայտնել է, որ Ղրիմի՝ ստալինյան բռնաճնշումների հետևանքով տուժած ժողովուրդների ռեաբիլիտացիայի մասին հրամանագիր է ստորագրել, գրում է՝ INTERFAX-ը:
«Ցանկանում եմ տեղեկացնել գործընկերներիս, որ Ղրիմի՝ ստալինյան բռնաճնշումների հետևանքով տուժած ազգությամբ թաթար, հայ, գերմանացի, հույն ամբողջ բնակչության ռեաբիլիտացիայի մասին հրամանագիր եմ ստորագրել»,- Պետական խորհրդի ազգային ծրագրերի և ժողովրդագրական քաղաքականության իրագործման վերաբերյալ նիստում ասել է ՌԴ ղեկավարը:
Նախագահը նաև հայտնել է, նույն հրամանագրով նախատեսվում են միջոցառումներ որոշ տարածքների սոցիալ-տնտեսական վիճակի վերաբերյալ: Այն տարածքների, որոնք «վերջին տարիներին, կարելի է ասել՝ տասնամյակներ շարունակ, գործնականում լքված են եղել, իրավաբանորեն որևէ կերպ ձևակերպված չեն եղել, և սոցիալական առումով բացարձակապես չեն զարգացել, միայն հետ են զարգացել»:
1944-ին ԽՍՀՄ Ներքին գործերի Ժողովրդական կոմիսարիատը Ղրիմի թաթար բնակչությանը վտարել է Ուզբեկստան և Ղազախստանի ու Տաջիկստանի շրջաններ: Փոքրափիվ խմբեր ուղարկվել են նաև Մարիական Ինքնավար Հանրապետություն, Ուրալ: Այս միջոցառումները պաշտոնապես հիմնավորվել են Հայրենական մեծ պատերազմի շրջանում նացիստական Գերմանիայի կողմից հանդես եկող կազմավորումներում Ղրիմի թաթարների մասնակցությամբ:
1989-ին ԽՍՀՄ-ի Գերագույն խորհուրդը քննադատել է Ղրիմի թաթարների արտաքսումն ու դա համարել անօրինական և հանցավոր:
