Այսօր՝ դեկտեմբերի 9-ին, Ազգային ժողովում շարունակվում է հերթական նստաշրջանի աշխատանքը: Այժմ քննարկվում է 2016թ. ապրիլին ծավալված ռազմական գործողությունների հանգամանքները ուսումնասիրող քննիչ հանձնաժողովի գործունեության ժամկետը երկարաձգելու մասին ԱԺ որոշման նախագիծը:
Պատգամավոր Արման Բաբաջանյանը իր ելույթում հայտարարեց, որ ապագայում պետք է քննարկել նաև ապրիլյան պատերազմը հնարավոր դարձրած արտաքին գործոնները. «2013թ. սեպտեմբերի 3-ի՝ Մաքսային միությանը միանալու տխրահռչակ որոշումից հետո Հայաստանի շուրջ օղակը ավելի սեղմվեց, և մենք պարտվեցինք դիվանագիտական ճակատում՝ հնարավոր դարձնելով Ապրիլյան պատերազմը: Դրա արդյունքում մենք ունեցանք 100-ից ավելի զոհ և 800 հա-ի կորուստ»:
Մանրամասները՝ տեսանյութում: