Իրենց հորը նախնական դավադրությամբ սպանելու մեջ մեղադրվող Խաչատուրյան քույրերի պաշտպանությունն արդեն ծանոթացել է քննության նյութերին և համաձայն չէ դրա որոշ կետերի հետ, Gazeta.ru-ին հաղորդել է կրտսեր քրոջ փաստաբան Յարոսլավ Պակուլինը:
Նրա խոսքերով, քննությունը անտեսել է այն փաստը, որ Միխայիլ Խաչատրյանը ծանոթ է եղել դատախազության բարձրաստիճան պաշտոնյաների, որոնց դիմել է անձնական խնդիրների լուծման համար:
«Այդպես է եղել, օրինակ, երբ Խաչատուրյանին սպառնում էր անչափահասների հանձնաժողով և վարչական պատիժ` դուստրերին միջնակարգ կրթություն ստանալ թույլ չտալու համար: Դա եղել է ողբերգությունից ոչ շատ առաջ: Այդ ժամանակ Խաչատուրյանը կարողացել է լուծել այդ խնդիրը անձնական ծանոթությունների միջոցով»,- ասել է փաստաբանը:
Պակուլինը նշել է, որ քույրերի դեմ քրեական գործերի հետագա ճակատագիրը կորոշվի մինչև դեկտեմբերի 28-ը:
«Դատախազությունը կամ կհաստատի մեղադրական եզրակացությունը, ինչից հետո կսկսվեն դատական լսումները, կամ կգտնի էական խախտումներ և գործը կվերադարձնի լրացուցիչ քննության համար»,- ասել է փաստաբանը:
Բացի այդ, կրտսեր քրոջ պաշտպանությունը միջնորդել է գործերը մեկ վարույթ տեղափոխելու համար, քանի որ աղջիկն արդեն 18 տարեկան է և գտնվում է մեղսունակ վիճակում:
