Իրաքի ԱԳՆ ղեկավար Մուհամեդ ալ-Հաքիմը Իրանի արտգործնախարար Մոհամադ Ջավադ Զարիֆի հետ հեռախոսազրույցի ընթացքում ներողություն է խնդրել երկրի հարավում գտնվող Նաջաֆ քաղաքում իրանական հյուպատոսության վրա ցուցարարների հարձակման համար, ասվում է Իրանի ԱԳՆ-ի հաղորդագրության մեջ:
Ավելի վաղ Իրանի ԱԳՆ պաշտոնական ներկայացուցիչ Աբաս Մուսավին հայտարարել էր, որ Թեհրանը բողոք է ներկայացրել Բաղդադին՝ Իրաքում Իրանի գլխավոր հյուպատոսության վրա հարձակման պատճառով:
Ավելի վաղ, ինչպես հաղորդել է «ՌԻԱ Նովոստին», Իրաքի հարավային Նաջաֆ քաղաքում տասնյակ ցուցարարներ են տուժելԻրանի հյուպատոսության մոտակայքում անվտանգության ուժերի հետ բախումների արդյունքում: Անվտանգության ոլորտում աղբյուրի փոխանցմամբ, տուժածների թիվը գերազանցել է 80 մարդ: Ըստ Shafaq գործակալության, ցուցարարները չորեքշաբթի հրդեհել են հյուպատոսության շենքը: Նաջաֆ գավառում պարետային ժամ է մտցվել:
