Լուրեր
Պուտինը շատ լավ գիտակցում է՝ այսօր այլ Հայաստան է, Քոչարյանի ժամանակներն անցել են
  • 15:40
  • 2019-11-29
  • Դիտումներ՝ *

Հայաստանի երկրորդ նախագահ Ռոբերտ Քոչարյանի կալանքի տակ գտնվելը չի խոչընդոտում Ռուսաստանի նախագահ Վլադիմիր Պուտինի և Հայաստանի վարչապետ Նիկոլ Փաշինյանի հարաբերություններին՝ Բիշքեկում հայտարարել է ՌԴ նախագահի մամուլի քարտուղար Դմիտրի Պեսկովը: Այս և այլ հարցերի շուրջ զրուցելու համար «Առաջին լրատվական»-ը հյուրընկալել է ԱԺ «Իմ քայլը» խմբակցության պատգամավոր Անուշ Բեղլոյանին և վերլուծաբան Աղասի Մարգարյանին:

Ինչպես նկատեց Անուշ Բեղլոյանը՝ Հայաստանի նախկին ռեժիմների տեղեկատվական փուչիկը, թե հայ-ռուսական հարաբերությունները օր օրի վատթարանում են, վաղուց է պայթել, պակասում էր միայն միանշանակ քաղաքական հայտարարությունը, որն էլ հնչեց. «Դա վերջակետ դրեց այդ շահարկումներին, և կարելի է ասել, որ Հայաստան-Ռուսաստան վերջին 30 տարվա հարաբերություններում սկսում է հաղթել պրագմատիզմը և ռեալ-պոլիտիկը, որը հիմնված է փոխադարձ շահերի, երկրների ռազմավարական համագործակցության վրա»:

Վերլուծաբան Աղասի Մարգարյանն էլ ընդգծեց, որ ոչ միայն Ռոբերտ Քոչարյանի, այլև ցանկացած գործչի գործոնը չի կարող էական ազդեցություն ունենալ երկու պետությունների միջպետական հարաբերությունների վրա. «Լուրջ չէ, որ Պուտին-Քոչարյան մտերմությունը կարող է ազդեցություն ունենալ Հայաստան-Ռուսաստան հարաբերությունների վրա. դա քարոզչություն է, նույնիսկ քարոզչություն էլ չէ, այլ անգրագետ տեղեկատվական հոսքեր են, էժանագին «տրյուկներ են» քոչարյանամերձ շրջանակների, հարթակների, տեղեկատվական կենտրոնների կողմից»:

 

Հարցազրույցն ամբողջությամբ՝ տեսանյութում:

  • Դիտումներ՝ *