Ֆաբերժե ոսկերչական տունը, որը գրեթե 100 տարի ոչ մի արտադրանք չէր ներկայացրել (վերջին հավաքածուն վաճառվել է 1917 թ.) պատրաստվում է կրկին իր արտադրանքը ներկայացնել հաճախորդներին: Այս մասին հաղորդում է Antwerp Facest:
Ընկերության հաղորդագրության մեջ նշվում է, որ ներկայացվելու են 12 «գաղտնիքով» կախազարդեր, որոնք պատրաստված են ձվի տեսքով: Հեղինակների մտահղացմամբ՝ յուրաքանչյուր ձու խորհրդանշելու է տարվա մի ամիսը, իսկ նրանցից յուրաքանչյուրի վրա լինելու են հայտնի ռուսական ասացվածքներ:
Հաղորդվում է, որ նոր արտադրանքի գինը հասնում է 600 հազար դոլարի: Ավելի վաղ այդ կախազարդերը ներկայացվել էին Փարիզում և Լոնդոնում: Այն ժամանակ հայտնի ռուս ոսկերչի թոռնուհին՝ Սառա Ֆաբերժեն, ասել էր, որ դա 1917-ից ի վեր առաջին արտադրանքն է, որ վաճառքի է հանվում ապրանքանիշի սեփականատերերի և ոսկերչի ժառանգների համատեղ աշխատանքի արդյունքում:
Հավաքածուն վաճառվելու է Ժնևում հուլիսի 18-ից օգոստոսի 20-ը:
