Արտադրողը պատկերել է պետության ղեկավարի ամենացայտուն արտահայտությունները: Նախագահ Վլադիմիր Զելենսկիի թևավոր արտահայտություններով կանաչ գուլպաները լրացրել են Ժիտոմիրի «Chulok UA» խանութի տեսականին: Օրինակ, հնարավոր է գնել «Դու՛րս արի այստեղից, ավազա՛կ» կամ «Վատ ե՞ս լսում ինձ» մակագրությամբ գուլպաներ:
Զելենսկին այս երկու արտահայտությունները ժամանակին ուղղել է Բորիսպոլի քաղաքային խորհրդի քարտուղար Յարոսլավ Գոդունոկին: Գործն ավարտվել է սկանդալով, իսկ ինքը՝ Գոդունոկը սպառնացել է դատի տալ, բայց այդ արտահայտությունը շատերի հիշողության մեջ է մնացել:
Գուլպաներն արտադրվել են տեղական արտադրողի կողմից: Խմբաքանակում կա մոտ 50 զույգ գուլպա, բոլորն էլ՝ կանաչ գույնի: Պարզվում է, որ դրանք արդեն մոտ մեկ ամիս է, ինչ վաճառքում են: Խանութում նշում են, որ պատրաստ են պատվիրել երկրորդ խմբաքանակը՝ առաջինի վաճառքից անմիջապես հետո:
