Թուրքիայի նախագահ Աբդուլլահ Գյուլը հայտարարել է, որ օգոստոսին նախատեսված նախագահական ընտրություններից հետո պատրաստվում է հեռանալ քաղաքականությունից:
«Այս պայմաններում ես նման մտադրություններ (քաղաքականությամբ զբաղվելու – 1in.am) չունեմ: Այսօր լինելով նախագահ՝ ես սահմանափակ եմ՝ որոշ թեմաների շուրջ ազատ արտահայտվելու հարցում»,- ասել է Գյուլը տեղի NTV հեռուստաալիքին:
Նման հայտարարությունը տեղի վերլուծաբանները գնահատում են որպես նշան առ այն, որ Գյուլը հերթական անգամ կառաջադրվի նախագահական ընտրություններում և ոչ թե թեկնածություն կդնի վարչապետի պաշտոնի համար: Գործող վարչապետ Ռեջեփ Թայիփ Էրդողանն այդ պաշտոնը զբաղեցնում է առավելագույն՝ երրորդ ժամկետով, ուստի 2015թ.-ից վարչապետի պաշտոնը կստանձնի այլ մարդ:
Թուրք փորձագետների կարծիքով՝ Էրդողանն իրական հնարավորություններ ունի նախագահ դառնալու համար:
