Apple ընկերությունն այսօր առաջին անգամ փոխհատուցում է վճարել iPhone հեռախոսի տիրոջը նրան հետևելու համար, որի մասին բազմաթիվ անգամ եղել են հրապարակումներ: Այս մասին հաղորդում է Reuters գործակալությունը:
Դեռ մայիս ամսին Հարավային Կորեայի դատարանը պարտադրել էր Apple-ին փոխհատուցում վճարել Mirae Law ընկերության իրավաբան Կիմ Հունգ Սուկին՝ 946 դոլարի չափով: Կորեական ընկերությունում հաստատել են փոխհատուցման ստացման տեղեկությունը: Հիմա Mirae Law ընկերությունը նախապատրաստում է կոլեկտիվ հայց ընդդեմ Apple ընկերության:
Հիշեցնենք, որ ապրիլ ամսին տեղեկություններ հայտնվեցին, որ Apple-ի մի շարք սարքերում կա ֆայլ, որտեղ պարբերաբար գրանցվում են տվյալ սարքի տեղափոխությունների ժամանակը և կոորդինատները: Մայիս ամսին Apple-ը արդիականացրեց համակարգը՝ վերացնելու համար այդ խնդիրը:
