ԱՄՆ նախկին նախագահ Բիլ Քլինթոնի և ԱՄՆ նախկին պետքարտուղար Հիլարի Քլինթոնի դուստրը սպասում է առաջնեկին: Այս մասին հայտնում է BBC-ն:
Չելսի Քլինթոնն այս մասին հայտարարել է Նյու Յորքում Քլինթոնի բարեգործական հիմնադրամի կողմից կազմակերպված հանրային միջոցառման ժամանակ:
«Մարկն (ամուսինն է՝ բանկիր Մարկ Մեզվինսկի) ու ես շատ ուրախ ենք, որ ունենալու ենք առաջին երեխան»,- հայտարարել է նախկին նախագահի դուստրը:
34-ամյա Չելսին Քլինթոնների միակ երեխան է:
Նա բարեգործական հիմնադրամի փոխնախագահն է: Հիմնադրամը ֆինանսավորում է տարբեր ծրագրեր առողջապահության ոլորտում: Չելսին չի բացառում, որ ապագայում կարող է զբաղվել քաղաքական գործունեությամբ:
