Վերջերս հայտնի է դարձել, որ Բրեդ Փիթը մայիսի 17-ին կհանդիպի երկու երկրպագուների և նրանց հետ երեկոն կանցկացնի բարեգործական միջոցառման ժամանակ: Այս մասին հաղորդում է SPLETNIK.ru-ն:
Հանդիպման արժեքը 15 հազար ֆունտ ստեռլինգ է, որը նվիրաբերվում է դերասանի բարեգործական Make It Right հիմնադրամին: Դրա համար Փիթը համագործակցություն է սկսել Groupon կայքի հետ:
Այսպես, երեք հաղթողները կմեկնեն Նոր Օռլեան և երեք գիշեր կանցկացնեն W Hotel հյուրանոցում: Դրան գումարած, նրանք VIP-մուտք կունենան The Sugar Mill բարեգործական միջոցառմանը:
Բացի Բրեդի հետ հանդիպումից, հաջողակները կկարողանան տեսնել Բրունո Մարսի և Kings of Leon-ի ելույթը:
Եթե դուք երազում եք զրուցել Բրեդ Փիթի հետ և նրան տեսնել սեփական աչքերով, ապա ապրիլի 15-ից կարող եք 15 հազար ֆունտ ստեռլինգ նվիրաբերել Make It Right հիմնադրամին: Ցավոք, այդ ակցիան անց է կացվում միայն Ֆրանսիայի, Գերմանիայի և Մեծ Բրիտանիայի բնակիչների համար: Հաջողակներին կորոշեն պատահականության մեթոդով մայիսի 6-ին:
