ՄԱԿ-ի կրթության, գիտության եւ մշակույթի հարցերով կազմակերպության (ՅՈՒՆԵՍԿՕ) անդամ երկրները նրան հանձարարել են մշակել արհեստական ինտելեկտի կիրառման բարոյական նորմերը: Այդ մասին նոյեմբերի 21-ին հայտնել Է Agence France-Presse-ը՝ վկայակոչելով այն տեղեկությունները, որոնք ստացվել են ՅՈՒՆԵՍԿՕ-ի քարտուղարությունից, որի կենտրոնակայանը գտնվում Է Փարիզում:
Գլխավոր խորհրդաժողովի 40-րդ նստաշրջանում «193 ներկայացուցիչների կողմից որոշումն ընդունվել Է միաձայն», չնայած այդ հարցի շուրջ երկրների միանգամայն տարբեր դիրքորոշումներին, նշել են ՅՈՒՆԵՍԿՕ-ում: «Դա հիանալի օր Էր»,- ընդգծել են կազմակերպության կենտրոնակայանում:
Այժմ տրված առաջադրանքը կատարելու համար ՅՈՒՆԵՍԿՕ-ն մտադիր Է համագործակցություն հաստատել այդ ոլորտի միջազգային փորձագետների հետ: Կազմակերպության ներկայացուցիչների հետ միասին նրանք պետք Է 18 ամսվա ընթացքում մշակեն «աշխարհում առաջին նորմատիվային փաստաթուղթը» արհեստական ինտելեկտի կիրառման բարոյականության եւ դրա տեխնոլոգիաների տարածման ոլորտում, հաղորդել Է ՏԱՍՍ-ը:
