Ռուսաստանի նախագահ Վլադիմիր Պուտինն ավելի շատ երկրպագուներ ունի, քան կարծում է Արևմուտքը՝ ասվում է The Guardian-ի հոդվածում: Հոդվածագրի կարծիքով՝ ուկրաինական ճգնաժամը շվեյցարացի հոգեբույժ Գերման Ռոռշախի թեստի քաղաքական տարբերակն է, ընդ որում՝ ոչ միայն առանձին անձանց, այլևս ողջ պետությունների համար:
Պարզվել է, որ Պուտինն ավելի շատ երկրպագուներ ունի ողջ աշխարհում, քան կարելի էր ենթադրել: Ինչպես նշում է հրապարակման հեղինակը, խոսքը ոչ միայն այնպիսի երկրների մասին է, ինչպիսին Վենեսուելան և Սիրիան են, որոնք ակտիվորեն աջակցություն են հայտնում Ռուսաստանին, այլև համաշխարհային քաղաքականության որոշ խոշոր խաղացողների մասին, որոնց թվում են Չինաստանն ու Հնդկաստանը:
Հոդվածագիրը Մոսկվայի այլ երկրպագուների թվում նշում է Բրազիլիային և ՀԱՀ-ին:
The Financial Times-ն իր հերթին գրում է, որ Պուտինի կողմից խորհրդային դարաշրջանի խորհրդանիշերի կիրառումը տագնապալի նշան է: Որպես օրինակ՝ թերթը նշում է «Պատրաստ աշխատանքի և պաշտպանության» ծրագրի նորմերի վերադարձն ու նախկին «Ժողովրդական տնտեսության նվաճումների ցուցահանդեսի» վերակառուցումը:
