Այսօր՝ նոյեմբերի 15-ին, Ազգային ժողովում շարունակում է քննարկվել 2020թ. բյուջեի նախագիծը:
«Իհարկե, բյուջեում գրված չէ 10 մլն ծառ համահայկական նախագծի ֆինանսավորման մասին, բայց կա անտառվերականգնման ծրագիր: Աշխատանքի այդ բնույթը անտառվերականգնման է: Արդեն այսօր մենք մեր գործընկեր երկրներից մեկից ակնկալում ենք 1 մլն տնկիի նվիրատվություն»,- ի պատասխան «Լուսավոր Հայաստան» խմբակցության պատգամավոր Մանե Թանդիլյանի ելույթի՝ հայտարարեց շրջակա միջավայրի պահպանության նախարար Էրիկ Գրիգորյանը:
Նրա խոսքով՝ սա միայն 10 մլն ծառ տնկելու գաղափար չէ. «Խոսքը գումարի մասին չէ, այլ թե ինչպես պետք է կատարվեն այդ աշխատանքները: Հիմա ստեղծվել են աշխատանքային խմբեր, ներգրավված են մասնավոր սեկտորից, առանձնացված են տարածքներ, տեսակներ: Կփորձենք բոլորով իրականացնել այդ խոստումը: Եթե չհաջողենք, ապա կա այդ ոլորտի պատասխանատու, որին կարող եք այդ ժամանակ ձեր մեղադրանքները հնչեցնել»:
Մանրամասները՝ տեսանյութում: