Ներդրողները Google+ սոցցանցի մեկնարկը համարել են բարեհաջող: Սոցցանցի գործարկումից հետո նրա ակցիաներն աճել են 11%-ով: Այս մասին հաղորդում է Reuters գործակալությունը: Ներդրողները Google-ի նոր ծրագրի գործարկումը գնահատել են բարեհաջող և ցանկանում են նոր ներդրումներ կատարել ընկերությունում, քանի որ սոցցանցի գոյության ընդամենը երկու շաբաթվա ընթնացքում Google կապիտալիզացիան աճել է 20մլրդ դոլարով և հիմա ընդհանուր առմամբ նրա գինը շուկայում կազմում է 546մլրդ դոլար:
Հիմա բորսայի խաղացողները սպասում են ինտերնետ ընկերության եռամսյակային հաշվետվությանը, որը կհրապարակվի հինգշաբթի օրը Նյու Յորքում: Նախորդ եռամսյակի արդյունքները հրապարակելուց հետո Google-ի ակցիաները ընկերության կողմից չափից դուրս մեծ ծախսերի պատճառով էժանացել էին 8%-ով: Իր հակառակորդների՝ Microsoft և Facebook պայքարում Սերգեյ Բրինի և Լարի Փեյջի ընկերությունը մեծացրել է ծախսերը բիզնեսի զարգացման համար:
«Google+ն աժիոտաժ է ստեղծել ընկերության շուրջ», – կարծում են վելուծաբանները: «Այս նախագիծը վկայում է Google-ի զարգացման հնարավորությունների մասին՝ չնայած նրա մեծ չափերին», – վստահ են մասնագետները:
Հիշեցնենք, որ Google-ը ներկայացրել է Google Plus սոցիալական ցանցը հունիսի կեսերին: Հեղինակների խոսքերով՝ այն պետք է դառնա Facebook-ի մրցակիցը: Շատ մասնագետներ արդեն հիմա կարծում են, որ նոր սոցցանցի առաջին փորձարկողները Մարկ Ցուկերբերգի պլատֆորմի մասնակիցներն են:
