Թուրքիան երբեք չի հրաժարվի ռուսական S-400 ՀՕՊ համակարգերից՝ հօգուտ ամերիկյան Patriot համակարգերի: Այս մասին հայտարարել է նախագահ Ռեջեփ Թայիփ Էրդողանը՝ թուրքական Anadolu գործակալությունը:
Ըստ Թուրքիայի ղեկավարի՝ Անկարան պատրաստ է ձեռք բերել ամերիկյան ՀՕՊ համակարգեր, բայց ոչ S-400-ի փոխարինման պայմաններով: Նա ամերիկյան կողմի նման առաջարկները անվանել է «ոտնձգություն թուրքական ինքնիշխանության դեմ»:
Էրդողանը շեշտել է, որ ԱՄՆ նախագահ Դոնալդ Թրամփի անմիջական շրջապատի որոշ քաղաքական գործիչներ փորձում են խզել հարաբերությունները Թուրքիայի հետ, այնուամենայնիվ, Թուրքիայի կառավարությունը վճռական է ինչպես ամերիկյան, այնպես էլ ռուսական կողմերի հետ երկխոսության մեջ մտնելու հարցում:
Թուրքիայի նախագահը նաև նշել է, որ ամերիկացի գործընկերոջ դիրքորոշումն այս հարցում դարձել է ավելի դրական,իսկ նրա մոտեցումները դարձել են ավելի արդյունավետ: