Ամազոնի անտառները անտառային հրդեհների պատճառով կարող են ամբողջովին ոչնչանալ, պնդում են ամերիկացի գիտնականները, որոնց հոդվածը հրապարակվել է Proceedings of the National Academy of Sciences (PNAS) գիտական ամսագրում:
Այսպիսի եզրակացության նրանք հանգել են կատարված ուսումնասիրությունից հետո, որում վերլուծել են այդ տարածքներում վերջին 20 տարիների կլիմայական փոփոխությունները:
Մասնավորապես, գիտնականներին հաջողվել է պարզել, որ այդ ժամանակահատվածում անձրևների սեզոնը կարճացել է, իսկ երաշտային եղանակի սեզոնն ավելի է երկարել: Միևնույն ժամանակ, վերջին հինգ տարիներին երաշտի սեզոնում գրեթե 50 հա անտառային տարածքներ են այրվել:
Ուսումնասիրողների խոսքերով՝ կլիմայական հետագա փոփոխությունները կարող են հանգեցնել նրան, որ Ամազոնի անտառները ամբողջովին ոչնչանան անտառային հրդեհների պատճառով:
