Գերմանական բանակում անհրաժեշտ է մտցնել մուսուլմանական հոգևորականի՝ իմամի պաշտոն: Այս մասին հայտարարել է Գերմանիայի մուսուլմանների կենտրոնական խորհրդի ղեկավար Այման Մազեկը: Նա հայտարարել է, որ գերմանական բանակում՝ Բունդեսվերում ծառայում է 90 կաթոլիկ և նույնքան բողոքական հոգևորական: Իսկ գերմանական դրոշի տակ ծառայող 1200 մուսուլմանները չունեն իրենց հոգևոր ներկայացուցիչը բանակում:
Մազեկն ասել է, որ այս հարցը լուրջ քննարկման առարկա է և կարող է մտցվել իսլամական համագործակցության կազմակերպության՝ նախկին ԻԿԿ-ի օրակարգ: Այս գաղափարին աջակցություն է հայտնել նաև Գերմանիայի խոշորագույն իսլամական կազմակերպության՝ Գերմանիայի իսլամական մշակույթի կենտրոնի ղեկավար Էրոլ Փուրլուն: Նա ասել է, որ այս հարցը շտապ լուծման կարիք ունի: Այս մասին հաղորդում է News.de կայքը:
Գերմանիայի բանակի ներկայացուցիչներն անմիջապես արձագանքել են այս առաջարկներին՝ այս հարցին լուծում տալու համար քննարկումների հրավիրելով մուսուլման առաջնորդներին։