Մի քանի ժամ առաջ Լոս Անջելեսում ավարտվել է MTV Movie Awards 2014 մրցանակաբաշխությունը: Հիմա, երբ բոլոր մրցանակները գտել են իրենց տերերին, Spletnik.ru-ն առաջարկում է դիտել կարմիր գորգին հայտնված աստղային լավագույն կերպարները:
Այս անգամ իրենց ընտրած կերպարներով առանձնացել են Ջեսիկա Ալբան, Շեյլին Վուդլին, Լյուպիտա Նիոնգոն, Ռիհաննան և մի քանի այլ աստղեր:
1. Լյուպիտա Նիոնգոն միշտ ներկայանում է էլեգանտ և անթերի կերպարներում: Այս անգամ էլ նա հավաքվածների առջև հանդես է եկել Chanel-ի շքեղ զգեստով:
2. Շեյլին Վուդլին երեկոյի համար ընտրել է Balmain-ի զգեստը, որը հաջողությամբ ընդգծել է դերասանուհու կազմվածքը՝ ստեղծելով նրբաոճ և գլամուրային կերպար։
3. Իսկ ահա Ռիհաննան MTV Movie Awards 2014-ին ներկայացել է Ուլյանա Սերգեենկոյի սպիտակ զգեստով:
4. Ամանդա Սեյֆրիդը անցած երեկո փայլել է Saint Laurent-ի զգեստով:
5. Երեկոյի ամենաոճային աստղերի շարքում է եղել նաև Ռիտա Օրան, որը հատուկ այս արարողության համար ընտրել է Barbara Casasola-ի խորը կտրվածքով սև զգեստը:
6. Ուլյանա Սերգեենկոյի ստեղծագործություններից է ընտրել նաև Քրիստին Թեյգենը:
7. Իսկ ահա Ջեսիկա Ալբան որոշել է երեկոյին ներկայանալ Kenzo-ի կիսաշրջազգեստով և Piece D’anarchive-ի տոպով, իսկ կերպարը լրացրել է Jimmy Choo- կոշիկներով:
8. Մրցանակաբաշխության արարողության ոճային աստղերի շարքին կարելի է դասել նաև Ջեննա Դյուեն-Տատումին, որը ներկայացել է Pamella Roland-ի հագուստով:
