Նույն մարդը «Ռոսիա 24»-ի և «ՆՏՎ»-ի եթերում հակառակ բաներ է պնդում:
40-ամյա Անդրեյ Պետխովը լուրջ վնասվածքներով հիվանդանոցում է: Կես տարի նա դեռ քայլել չի կարողանա: Նա պատրաստվում է վիրահատության: Ապրիլի 7-ին սովորականի նման նա դուրս էր եկել Նիկոլաևի հրապարակ՝ բացահայտ իր դժգոհությունն արտահայտելու իշխանությունների դեմ: Սակայն այնտեղ հանկարծակի հայտնված արմատականները կոտորած էին սարքել: Նման տեղեկություններ է հայտնում «Ռոսիա 24»-ը:
Իսկ ահա «ՆՏՎ»-ի եթերում նա ներկայացել է որպես Գերմանիայի քաղաքացի: Նա ուժային գործողության է պատրաստել 50 հոգանոց խմբի, որի անդամներից բոլորն Արևմտյան Եվրոպայից են եղել: Վճարը կատարվել է մինչ ռազմական գործողությունների թատերաբեմ ուղղվելը: Նրա խոստովանությամբ՝ ինքը հանդես է եկել որպես փոխանցող օղակ բարդ ֆինանսական սխեմայում, սակայն թե ով է կանգնած դրա հետևում՝ վարձկանը հրաժարվել է ասել:
