Վերջին վեց շաբաթների ընթացքում Լիբիա են ժամանել մոտ 200 վարձու զինվորներ, որոնց թվում են նաև դիպուկահարներ զինվորական մասնավոր «Վագներ» ընկերությունից: Այս մասին հաղորդում է The New York Times-ը՝ հղում անելով լիբիական երեք բարձրաստիճան պաշտոնյաների և հինգ արևմտյան դիվանագետների վրա, որոնք հետևում են հակամարտությանը:
Դաշտային բժիշկների տվյալներով՝ զինյալները միևնույն զինամթերքն են օգտագործում, որոնք նաև Դոնբասում են օգտագործվել:
Նրանք հաղորդել են, որ վերջին ժամանակներս փոխվել է վերքերի բնույթը:
Պարբերականը պնդում է, որ ռուս վարձկանները օգնում են արևմուտքում Լիբիայի աշխարհազորի առաջնորդ Խալիֆ Հաֆթարին:
Հայտնի է, որ Հաֆթարը վերջին հինգ տարիներին մարտնչում է Լիբիայի արևմտյան հատվածի զինյալների հետ: Ռուսաստանը հակամարտության մասնակից է դարձել ԱՄԷ-ի, Եգիպտոսի, Սաուդյան Արաբիայի, ինչպես նաև Ֆրանսիայի աջակցությամբ: