Այսօր Լյուքսեմբուրգում կկայանա արտգործնախարարների մակարդակով ԵՄ խորհրդի նիստը, որի ժամանակ կորոշվի Ուկրաինային ֆինանսական օգնություն տրամադրելու հարցը՝ փոխանցում է Deutsche Welle-ն:
ԵՄ անդամ երկրների արտգործնախարարները մտադիր են Կիևի կառավարությանը տալ 1 մլրդ եվրոյի չափով վարկ: Բացի այդ, ուկրաինական կողմը պետք է ստանա 610 մլն եվրո, որը ԵՄ-ն որոշել էր հատկացնել մոտ 1 տարի առաջ, սակայն այդ գումարը չէր տրամադրվել երկրում բարեփոխումների անցկացման՝ մինչև վերջ կատարված պայմանների պատճառով:
Ուկրաինական տնտեսության աջակցման միջոցառումների թվում է Ուկրաինայից ԵՄ ներկրվող ապրանքների՝ ապրիլի 25-ից մաքսատուրքերի չեղյալ հայտարարումը: Բացի այդ, Մեծ Բրիտանիան Շվեդիայի և Լեհաստանի հետ համատեղ առաջարկում է ճգնաժամային երկիր ուղարկել արդարադատության ոլորտի փորձագետների, ովքեր կարող են որպես տեսուչներ հանդես գալ պետության նոր իրավական համակարգի ստեղծման գործում:
Սակայն ԵՄ այլ երկրների դիվանագետների կարծիքով՝ նման առաքելությունը կարող է խաչվել Ուկրաինայում ԵԱՀԿ գործունեության հետ, այդ իսկ պատճառով այդ առաջարկը դեռևս չի քննարկվի:
