«Սեռական հոլովն» իրազեկում է սեռական խնդիրների հետ կապված հարցերի վերաբերյալ: «Պարզվում է՝ անկեղծությունը միշտ չէ, որ կարող է օգտակար լինել, մենք զույգերին միշտ խորհուրդ ենք տալիս անկեղծ լինել, բայց արի ու տես, որ անկեղծության հետևանքը կարող է նաև բացասական լինել»,- այսպիսի կարծիք հայտնեց բժիշկ-սեքսապաթոլոգ Վրեժ Շահրամանյանը՝ անդրադառնալով այցելուի խնդրին, ով ամուսնուն անկեղծորեն խոստովանել էր, որ ոչինչ չի զգում, և դատապարտվել նրա կողմից:
Երիտասարադ ամուսնական զույգերի մեծ մասն ունի հետևյալ խնդիրը՝ ապրում են սեռական կյանքով, բայց կինը հաճախ ոչինչ չի զգում, օրգազմի չի հասնում: Երբեմն կանայք նաև լռում են այդ մասին:
Տղամարդու սեռական բնությունն այնպիսին է, որ երբ նրան ասում են, որ ինչ-որ բան այն չէ, և որ նրա հետ սեռական հաճույք չեն ստանում, նա սկսում է առաջին հերթին կիրառել պաշտպանական մեխանիզմներ՝ մեղադրում է դիմացինին: Նա սկսում է փախչել իրականությունից և մտածում է, որ ժամանակի ընթացքում վիճակը կշտկվի, վիճակը չի շտկվում, և նա իր կարիքները փորձում է հոգալ դրսում: Դրանով իսկ ընտանեկան հարաբերություններն ավելի են վատանում: Այս մոտեցման տարբերակն, իհարկե, ճիշտ չէ:
Նախևառաջ կարևոր է պարզել, թե որքան է տևում սեռական ակտը, որովհետև հաճախ կանայք օրգազմ չեն ապրում, քանի որ ակտը կարճ է տևում: Օրգազմի հասնելու համար կնոջն անհրաժեշտ է բավարար ժամանակ, նաև պետք է անկողնում նա իրեն ազատ ու հանգիստ զգա: Երբ հարաբերության մեջ լարվածությունը դառնում է սովորական, չկա հանգստություն, ազատություն և միմյանց վայելելու ցանկություն, այս դեպքում, իհարկե, կինը ոչ միայն օրգազմ չի ապրի, այլ նաև ցավ կարող է զգալ: Վիճակը շտկելի է…
Մանրամասն՝ տեսանյութում: