ՀՀ պատվիրակությունը Դուշանբեում մասնակցել է ՀԱՊԿ ԽՎ խորհրդին առընթեր ՀԱՊԿ անդամ պետությունների խորհրդարանների պաշտպանության և անվտանգության կոմիտեների (հանձնաժողովների) նախագահների Համակարգող խորհրդակցության և ՀԱՊԿ ԽՎ պաշտպանության և անվտանգության մշտական հանձնաժողովի համատեղ նիստին։ Նիստի ընթացքում քննարկվել են մի շարք նոր նախագծերի առաջարկներ, իսկ Անդրանիկ Քոչարյանը հանդես է եկել «Հավաքական խաղաղապահ ուժերի գործունեության ոլորտում ՀԱՊԿ անդամ պետությունների օրենսդրության կատարելագործմանն ուղղված առաջարկությունների նախագծի» վերաբերյալ զեկույցով:
Ռուսաստանի Դաշնության Դաշնային ժողովի Պետդումայի պաշտպանության և անվտանգության հանձնաժողովի նախագահ Վլադիմիր Շամանովը և Ռուսաստանի Դաշնության Դաշնային ժողովի Դաշնության խորհրդի պաշտպանության և անվտանգության հանձնաժողովի նախագահ Վիկտոր Բոնդարևը խոստացան ՀԱՊԿ ղեկավարության հետ քննարկել հաջորդ տարվա ընթացքում Հայաստանում ՀԱՊԿ-ի շրջանակներում փոքրածավալ զորավարժություններ իրականացնելու հնարավորությունը։
Հաջորդ տարի հոկտեմբերին ՀԱՊԿ անդամ – պետությունների խորհրդարանների պաշտպանության և անվտանգության կոմիտեների (հանձնաժողովների) նախագահների Համակարգող խորհրդակցության նիստը տեղի կունենա Հայաստանում։