Առնվազն 62 մարդ զոհվել է, տուժել են ևս տասնյակ մարդիկ Պակիստանում Tezgam գնացքի հրդեհման հետևանքով: Ըստ Geo TV-ի, դա տեղի է ունեցել Լիակվաթպուր քաղաքի տարածքում:
Նշվում է, որ ի սկզբանե վագոններից մեկում պայթել է ուղևորներից մեկի գազի բալոնը: Հրդեհը արագորեն տարածվել է, քանի որ մոտակայքում նաև յուղ է եղել: Այնուհետև բոցը տարածվել է և ոչնչացրել ևս մեկ բիզնես դասի և երկու էկոնոմ դասի վագոններ: Գնացքի մնացած մասը չի տուժել, քանի որ դրանք անջատել են և տարել կրակից հեռու:
Երկաթուղիների նախարար Շեյխա Ռաշիդի խոսքերով, մարդկանց մեծամասնությունը մահացել է, երբ նրանք դուրս են նետվել վառվող գնացքից: Հրդեհի զոհերի ինքնությունը նախատեսվում է հաստատել ԴՆԹ-ի վերլուծության միջոցով: Տուժած վագոններում ավելի քան 200 մարդ է եղել:
Tezgam-ն ամենօրյա էքսպրես գնացք է, որը Կարաչիից ուղևորվում էր Ռավալպինդի:
