Նրա խոսքով՝ 2020 թվականի համար իրենց նախարարության բյուջեն նախատեսվում է 6,9 միլիարդ դրամ, որից 1,6 միլիարդը ձևավորվելու է Գերմանական զարգացման բանկի տված դրամաշնորհներից։ Ստացվում է, որ նախարարության բյուջեի 23 տոկոսը ձևավորվում է դրամաշնորհներից։
Նախարարը մանրամասնեց, որ դրամաշնորհային ծրագրերով մոտ 680 միլիոն դրամ հատկացվելու է Արթիկի քարհանքերի ռեկուլտիվացիային։ Գրեթե 1,1 միլիարդ դրամ էլ հատկացվելու է Դիլիջանի և Խոսրովի անտառների մերձակա բնակավայրերում «բնության վրա ճնշումը նվազեցնելու» համար։
