Fаcebook-ը որոշել է ստիպել բջջայինից և պլանշետներից օգտվող իր հաճախորդներին բաժանորդագրվել հատուկ չաթի համար ստեղծված հավելվածին՝ Facebook Messenger-ին: Մոտ ժամանակներս սոցցանցը կհեռացնի չաթի գործառույթն իր բջջային տարբերակներից:
Ինչպես գրում է TechCrunch տեխնոբլոգը, այդ մասին ծանուցումներ են սկսել ստանալ եվրոպական երկրների որոշ օգտատերեր: Անցում կատարելու համար սոցցանցը նրանց տվել է 2 շաբաթ ժամանակ:
Ցուկերբերգի կարծիքով՝ առանձին հավելվածով չաթի դեպքում շփվող կողմերն ավելի ակտիվ են դառնում, այդ իսկ պատճառով որոշել են դիմել նման արմատական քայլի:
