Ադրբեջանական APA լրատվական գործակալության փոխանցմամբ՝ ԵԱՀԿ Մինսկի խմբի համանախագահները վաղը ժամանում են Բաքու։ Բաքվում միջնորդները քննարկելու են ղարաբաղյան հակամարտության հետագա կարգավորումը։
Ակնկալվում է, որ համանախագահները հանդիպումներ կունենան Ադրբեջանի նախագահ Իլհամ Ալիևի ու արտգործնախարար Էլմար Մամեդյարովի հետ։
Բացի Բաքվից, համանախագահներն այցելելու են նաև Երևան և Լեռնային Ղարաբաղ։
Հիշեցնենք, որ հուլիսի 17-ին ղարաբաղյան հակամարտության կարգավորման վերաբերյալ բանակցություններ վարելու նպատակով Մոսկվա է մեկնելու Էլմար Մամեդյարովը։