Տղամարդկանց համար նախատեսված աշխարհում ամենաշատ վաճառվող ամսագրի հիմնադիրը՝ Հյու Մարսթոն Հեֆները այսօր դառնում է 88 տարեկան:
Հեֆները ծնվել է Չիկագոյում՝ ուսուցիչների ընտանիքում: Դպրոցն ավարտելուց հետո Հյուն 1944-1946թթ որպես լրագրող աշխատել է ԱՄՆ-ի զինված ուժերում: Պատերազմից հետո նա հոգեբանի կրթություն է ստացել և աշխատանքի է տեղավորվել «Էսքվայր» ամսագրում: Այնտեղ նա աշխատել է մինչև 1952թ. և ազատվել է աշխատանքից միայն այն բանի համար, որ խնդրել է 5 դոլարով ավելացնել իր աշխատավարձը, գրում է ITAR-TASS-ը:
1953թ. դեկտեմբերին գրավ դնելով իր ողջ ունեցվածքը և մորից 1000 դոլար պարտք վերցնելով՝ Հյու Հեֆները 50 հազար տպաքանակով թողարկել է Playboy ամսագրի առաջին համարը:
Ամսագրի շապիկին վերատպվել է Մերիլին Մոնրոյի 1949թ. արված լուսանկարը: 1949թ. Հեֆները կասկածել է, որ ամսագիրը պահանջված կլինի և նույնիսկ չի համարակալել առաջին համարը: Սակայն, 50 ցենտ արժողությամբ ամսագրի առաջին համարի երեք քարորդ մասը վաճառվել է թողարկման առաջին շաբաթում:
Playboy-ն իր հիմնադրին արագ միլիոնատեր է դարձրել, իսկ ամսագիրն իսկական մշակութային իրադարձություն է դարձել:
Իր գոյության տարիներին Playboy-ը սովորական ամսագրից իսկական կայսրության է վերածվել:
Հյու Հեֆները դերասանուհի Բարբի Բերտոնի հետ:
1980թ. Հոլիվուդի Փառքի ճեմուղում բացվել է Հեֆների աստղը:
Կորպորացիան, որը միանձնյա ղեկավարել է Հեֆները, ներառել է նաև գրքի հրատարակչություն, մոդելային գործակալություն, ձայնագրման ստուդիա, հեռուստաընկերություն և լիմուզինների ծառայություն:
Հյու Հեֆները իր դստեր Քրիստիի և կնոջ՝ Քիմբերլի Քոնրադի հետ միասին:
Playboy-ի հիմնադրին վերագրում են սիրավեպեր հոլիվուդյան ամենագեղեցիկ դերասանուհիների հետ:
Ընկերության գլխավոր եկամուտը Playboy-ի ճագարով լոգոտիպն է:
Հյու Հեֆերին սեքսուալ հեղափոխության հայր են անվանում: Միայն Հյու Հեֆներն էր իրեն թույլ տալիս երեկույթներին հայտնվել միանգամից մի քանի աղջիկների ընկերակցությամբ:
Այժմ, Playboy-ը աշխարհում տղամարդկանց համար նախատեսված ամենավաճառվող ամսագիրն է: Դրա տպաքանակն ավելին է, քան Esquire, GQ և Rolling Stone ամսագրերինը միասին վերցված:
Հյու Հաֆները «Տղաներին դա դուր է գալիս» ֆիլմի պրեմիերային:
2013թ. Հյու Հեֆները ամուսնացել է 26-ամյա մոդել Քրիստալ Հարիսի հետ (աջից):
Նույնիսկ 88 տարեկան հասակում Հյու Հեֆները չի թողնում 50-ականներին ստեղծած փլեյբոյի կերպարը:
