Լուրեր
Իշխանությունները «չխանգարելու» դասը սովորել են, բայց պետք է սովորեն նաև «օգնելու» դասը

Հրապարակվել են 2019թ. հունվար-օգոստոսի մակրոտնտեսական թվերը, ըստ որի՝ տնտեսական աճը և տնտեսության ակտիվության ինդեքսը կազմել է 7 տոկոս: Թեմայի շուրջ «Առաջին լրատվական»-ի հետ զրույցում Կենտրոնական բանկի 94-98թթ նախագահ, տնտեսագետ Բագրատ Ասատրյանը նշեց. «Այս յոթ տոկոսը մեզ երջանիկ չի դարձնի: Հայտնի է, որ ուրախության բանաձևի համար մի քիչ ավելին է պետք: Ակնհայտ է, որ այս տարի արդյունքներն ավելի բարձր են, քան նախատեսվում էին, բայց բավարար չեն»:

Գնահատելով իշխանությունների գործունեությունը տնտեսական բնագավառում՝ տնտեսագետը կարծիք հայտնեց, որ այս փուլում՝ մեկուկես տարի նոր իշխանությունները սովորում էին. «Իշխանություններն արդեն «չխանգարելու» դասը սովորել են: Իշխանության միջամտություններն իրենց ազդեցությունն էին թողնում տնտեսական քաղաքականության վրա… Այժմ այս դաշտոմ մեղմացումներ կան, կա որոշակի ազատություն: Բայց սա, իհարկե, բավարար չէ մեր տնտեսության շեշտակի զարգացման համար: Պետք է իշխանությունները սովորեն նաև հաջորդ դասը՝ խոսքն օգնելու մասին է: Տնտեսությունը պետական օժանդակության կարիք ունի»:

Բ. Ասատրյանը նաև նկատեց, որ Հայաստանում տնտեսական գործունեություն ծավալելու համար պայմանները լավացել են:

Մանրամասն՝ տեսանյութում:

  • Դիտումներ՝ *