Առաջին անգամ չէ , որ քաղաքական գործիչները հանդես են գալիս ամենատարբեր ֆլեշմոբերով,օրինակ Ուկրաինայի նախագահ Վլադիմիր Զելենսկին նախագահի ընտրությունից առաջ ֆեյսբուքյան իր էջում գրել էր «Ես ծաղրածու եմ», և առաջարկել, որ բոլոր նրանք ովքեր դժգոհ են իրենց աշխատավարձից նույնը տեղադրեն նաև իրենց էջերում։ Ամենահայտնի ֆլեշմոբերից մեկի առիթը ԱՄՆ առաջին տիկին Մելանյա Թրամփի աղմկահարույց բաճկոնն էր, որով նա այցելել էր անլեգալ փախստականների երեխաներին , բաճկոնի վրա գրված էր «Ես ընդհանրապես թքած ունեմ, իսկ դո՞ւք»։
Հայրենիքն իմ օջախն է, ժողովորդն իմ ընտանիքը,-ֆլեշմոբը , որին աջակցում է նաև վարչապետ Նիկոլ Փաշինյանը , համացանցում մեծ իրարանցում է առաջացրել: Մարդիկ կնրկօրինակեով իրար, գրությունը տեղադրում են համացանցի իրենց էջերում, այդ կերպ գուցե ցույց տալիս իրենց վերաբերմունքը ընտանիքի և հայրենիքի նկատմամբ։ Ընտանիքը, տունն ու օջախը իհարկե կարևորեն, սակայն ֆլեշմոբն այնքան լուրջ է ընկալվել, որ այս բարի կենացի գաղափարը դաջվում է ոչ միայն ֆեյսբուքյան պատերին, այլև ամբողջ երկրով մեկ։ Չէ, ավելի պարզ ասեմ, Կառավարությունը բյուջեից տրամադրել է 48 մլն 900 հազար դրամ վարչապետ Նիկոլ Փաշինյանի ֆեյսբուքյան գրառումը արտաքին գովազդ դարձնելու և երկրով մեկ տարածելու համար։
Հասկանալի է, որ ֆլեշմոբի նպատակը մարդկանց մտածելակերպի փոփոխությունն է, բայց մյուս կողմից մենք նախ, վաղուց սովետում չենք ապրում, և երկրորդը՝ անթույլատրելի է, երբ կենացի մակարդակի գաղափարը դրվում է երկրի ղեկավարման հիմքում։ «Սա մոտավորապես համարժեք է նրան, որ անկախության տարեդարձի օրը նախկին իշխանության կողմից 54 մլն դրամ տրվեց միայն Նունե Եսայանին Հանրապետության հրապարակում հայրենասիրական երգեր երգելու համար»։ Երկրի ղեկավարման հիմքում պետք է դրված լինի առաջին հերթին օրենքի առաջ բոլորի հավասարության սկզբունքը, պետության հիմքը ոչ թե օջախն է այլ քաղաքացին, այն քաղաքացին որի արժեքային համակարգը ոչ թե ձևավորվել է ֆլեշմոբերից այլ քաղաքացի լինելու գիտակցումից։
