Բրիտանական դերասանուհի Օլիվիա Քոլմանը, որը «Թագը» սերիալում մարմնավորել է Բրիտանիայի թագուհի Եղիսաբեթ II-ին, պատմել է, թե ինչ է իր ամուսինը՝ գրող և իրավաբան Էդ Սինքլերը, գողացել Բուքինգհեմյան պալատից: Այս մասին հաղորդում է The Independent պարբերականը:
Նա պատմել է, որ գողությունը տեղի է ունեցել, երբ նրանք բարեգործական միջոցառման շրջանակներում հյուրընկալվել են թագավորական ընտանիքի լոնդոնյան նստավայրում:
Քոլմանի խոսքերով՝ իր ամուսինը զուգարանի թուղթ է գողացել:
Ինչպես նշել է դերասանուհին, նա այն Բուքինգհեմյան պալատից որպես հուշ է վերցրել:
