Ուղևորությունը տեղի է ունեցել սաուդյան արքա Սալման բեն Աբդել-Ազիզ Ալ Սաուդի հետ զրույցի ընթացքում:
ՌԴ նախագահ Վլադիմիր Պուտինի և Սաուդյան Արաբիայի առաջնորդ Սալման բեն Աբդել-Ազիզ Ալ Սաուդի միջև բանակցությունների մի մասը տեղի է ունեցել էր-Ռիադի թագավորական պալատում էլեկտրական մեքենայով շրջելու ընթացքում: Մեքենայում են գտնվել միայն վարորդը, երկու երկրների ղեկավարներն ու թարգմանիչը: Էլեկտրական մեքենայի կողքից քայլել են սաուդյան պաշտոնյաներն ու թագավորության զինված ուժերի ներկայացուցիչները:
Թագավորական պալատում տեղաշարժվելու նման անսովոր ձևաչափը, հավանաբար, պայմանավորված է սաուդյան 83-ամյա միապետի առողջական վիճակով:
Վլադիմիր Պուտինը այսօր, 12 տարվա ընթացքում առաջին անգամ, պաշտոնական այցով ժամանել է Սաուդյան Արաբիա: Նախատեսվում է, որ կստորագրվեն մի շարք պայմանագրեր:
