«Մամուլի հետ սուրճ» հաղորդման հոկտեմբերի 14-ի հյուրը ԱԺ «Լուսավոր Հայաստան» խմբակցության պատգամավոր Հարություն Բաբայանն է։
Մեր զրուցակիցն անդրադարձավ վերջին օրերի կարևոր իրադարձություններին՝ նաև Սիրիայի հյուսիսում տիրող իրավիճակին։ Մեր այն հարցին, թե ինչ կարող է Հայաստանն անել որպես պետություն, պատգամավորն ասաց.«Հայաստանը բոլոր հայերի պետությունն է ու ցանկացած դեպքում պատրաստ է ընդունել իր հայրենակիցներին։ Մեր հարևանների գործելաոճը, կերպարը չի փոխվում, ցավալի ու դատապարտելի է»։
Խոսելով ներքաղաքական զարգացումների, ՀՀԿ-ի ակտիվության մասին, Հարություն Բաբայանն ասաց.«ՀՀԿ-ն չի դադարում նենգախոսությունն ու չարախոսությունը։ 25 տարվա ընթացքում իրենք ձախողված ուժ են դարձել, իրենց բոլոր գործերի հետևանքն է, որ երկիրն այս վիճակի մեջ է։ Իրենք որևէ տեղ գրավելու հնարավորություն չունեն։ Նրանք իրենց սպառել են»։
Հարցազրույցն ամբողջությամբ՝ տեսանյութում
