Լուրեր
Ալիևի պատմությունը խեղաթյուրելու էժանագին փորձն ու Փաշինյանի կոշտ պատասխանը. «Կարճ կապենք»

Թուրքմենստանի մայրաքաղաք Աշխաբադում ԱՊՀ մասնակից պետությունների ղեկավարների խորհրդի նեղ կազմով նիստում Հայաստանի Հանրապետության վարչապետ Նիկոլ Փաշինյանը կոշտ պատասխան է տվել Ադրբեջանի նախագահ Իլհամ Ալիևի ելույթին՝ անվանելով այն «հայ ժողովրդի և ԱՊՀ երկրների ղեկավարների նկատմամբ անհարգալից վերաբերմունք»: Ալիևն իր ելույթում խոսել է ԱՊՀ տարածքում՝ մասնավորապես Հայաստանում «ֆաշիստների հերոսացման» մասին՝ նշելով, որ ՀՀ նախկին իշխանությունների օրոք Երևանում կանգնեցվել է ռազմական և պետական գործիչ Գարեգին Նժդեհի արձանը, որին Ալիևն անվանել է «ֆաշիստական դահիճ» և «դավաճան»:

Վարչապետն իր պատասխանում նշել է, որ Իլհամ Հեյդարովիչի ելույթից տպավորություն է ստեղծվում, որ Հիտլերը երկրորդական դեր է խաղացել, և նացիստական շարժման առաջնորդը ոչ թե Հիտլերն է այլ Նժդեհը։ Առաջին անգամ չէ, որ ադրբեջանցիները տասնյակ հազարավոր դոլարներ են ծախսում հակահայ նյութեր պատվիրելու և տարածելու համար, առաջին անգամ չէ որ Նժդեհին հրեշի կարգավիճակ է վերապահվում ոչ միայն ադրբեջանական , այլև ռուսական մամուլի կողմից, իսկ այդտեղ նմանատիպ բացասական նյութերը տեղ են գտնում գլխավորապես Ադրբեջանի ջանքերով։

Հերթական անգամ, Ադրբեջանի նախագահն էլ հերթին չհիասթափեցրեց իր անտեղյակությամբ և ոչ ադեկվատ պահվածքով։ Տպավորությունն այնպիսին է որ Ադրբեջանի նախագահը այլևս չգիտի ինչպես խեղաթյուրել պատմությունը , սա ոչ թե դիվանագիտական քայլ է, այլ էժանագին փորձ պատմությունը խեղաթյուրելու։Հետաքրքիր է ի՞նչ օգուտ է տալու նման հարցին Ադրբեջանի նախագահի այդքան էժանագին մոտեցումը , բացի իր նկատմամբ անլուրջ վերաբերմունքը։

  • Դիտումներ՝ *