Թել Ավիվում ընթացող ծանրամարտի Եվրոպայի առաջնությունում այս պահին պայքարի մեջ են մտել 77 կգ քաշային կարգում հանդես եկող տղամարդիկ:
Այս քաշային կարգում Հայաստանը ներկայացնում են Տիգրան Մարտիրոսյանը և Առաքել Միրզոյանը: Մարտիրոսյանին հաջողվեց պոկում վարժությունում իր գլխավերևում պահել 157 կլիոգրամանոց ծանրաձողը և փոքր ոսկե մեդալ նվաճել: Նույնքան բարձրացրեց նաև ալբանացի Դանիել Գոդելին, բայց Տիգրան Մարտիրոսյանը 200 գրամ թեթև է կշռում ալբանացի մարզիկից: Մեր մյուս ծանրորդը՝ Առաքել Միրզոյանը, ով հանդես է եկել B խմբում, 147 կգ արդյունքով պոկում վարժությունում զբաղեցրեց 9-րդ հորզոնականը:
Այս պահին ընդմիջում է: Քիչ անց ծանրորդները կսկսեն մրցել հրում վարժությունում:
