Բուքմեյքերները «Սառույցի և կրակի երգը» էպոսի հեղինակ Ջորջ Մարտինին և գրող Լյուդմիլա Ուլիցկայային ներառել են գրականության ոլորտում Նոբելյան մրցանակի ֆավորիտների շարքում, հայտնում է Nicer Odds-ը:
Ամենահավանական թեկնածուների վարկանիշում առաջինն են ճանաչվել կանադացի բանաստեղծուհի Էն Քարսոնը, Գվադելուպայից գրող Մարիզ Քոնդեն և կանադացի Մարգարետ Էթվուդը՝ «Աղախնի պատմությունը» վեպի հեղինակը:
Այս տարի միանգամից երկու մրցանակ կշնորհվի: 2018-ին Նոբելյան հիմնադրամը Ակադեմիային թույլ չտվեց գրականության մրցանակ շնորհել այն բանից հետո, երբ «Նոբելյան մրցանակին մոտ կանգնած անձը» մեղադրվեց սեռական ոտնձգությունների և բռնության մեջ, ինչն, ըստ էության, կաթվածահար արեց գրական կորպուսի աշխատանքը:
