Ուկրաինայի պաշտոնաթող գլխավոր դատախազ Վիկտոր Շոկինը հայտարարել Է, որ հարկադրված Է եղել դադարեցնել հետաքննությունը «Բուրիսմա» ընկերության նկատմամբ, որի տնօրենների խորհրդի անդամ Էր այն ժամանակ ԱՄՆ-ի փոխնախագահ Ջո Բայդենի որդին՝ Հանթերը: Նա նշել Է, որ դա արվել Է Միացյալ Նահանգների կողմից գործադրված ճնշման ներքո: Այդ մասին հայտնել Է Fox News հեռուստաալիքը:
Շոկինը, ասված Է հաղորդագրության մեջ, այս տարվա սկզբին ԱՄՆ-ի նախագահի փաստաբան Ռուդի Ջուլիանիին հայտարարել Է, որ հետաքննությունը դադարեցվել Է «Միացյալ Նահանգներից ունեցած վախի պատճառով»: Ջուլիանիի ձայնագրությունների համաձայն, որոնք կան Fox News-ի տրամադրության տակ, «Շոկինը փորձել Է շարունակել հետաքննությունը, բայց 2015 թվականի հունիսին կամ հուլիսին ԱՄՆ-ի դեսպան Ջեֆրի Փայեթը նրան ասել Է, որ հետաքննությունը պետք Է անցկացվի ճերմակ ձեռնոցներով, ինչը, Շոկինի խոսքով, նշանակում Էր, որ ոչինչ չպետք Է անել»:
Ձայնագրություններում նաեւ պնդվում Է, թե Շոկինին ասել են, որ հետաքննության գործընթացում փոխնախագահը կարգադրել Է կասեցնել ամերիկյան օգնության տրամադրումն Ուկրաինային: Ինչպես նշում Է Fox News-ը, Ջուլիանիի ձայնագրությունները հոկտեմբերի 2-ին Պետդեպարտամենտի գլխավոր տեսուչը հանձնել Է Կոնգրեսին։