Ջորջիա նահանգի Ատլանտա քաղաքի արքեպիսկոպոս Ուիլթոն Գրեգորին թանկարժեք առանձնատուն կառուցելու համար կտրուկ քննադատության է արժանացել կաթոլիկների կողմից: Նրա տունը մոտ 2 միլիոն դոլար է գնահատվում: Արքեպիսկոպոսն արդեն հայտարարել է, որ մտադիր է վաճառել իր թանկարժեք անշարժ գույքը:
Հռոմի պապը կղերականներին պարբերաբար կոչ է անում համեստ և տնտեսող կյանք վարել: Այդ առնչությամբ՝ Ատլանտայի եպիսկոպոսի ծախսերը կաթոլիկները հատուկ քննադատությամբ են ընդունել: Արքեպիսկոպոս Գրեգորին ստիպված է եղել հրապարակավ ներողություն խնդրել, գրում է Associated Press-ը:
Առանձնատան վաճառքից ստացված գումարները կփոխանցվեն կաթոլիկ համայնքի կարիքներին:
