Թուրքիայի նախագահ Թայիփ Էրդողանը, Նյու Յորքում ելույթ ունենալով ՄԱԿ-ի գլխավոր ասամբլեայի 74-րդ նստաշրջանում, անարդարացի է համարել այն, որ միջուկային զենքն օգտագործվում է որպես ճնշման լծակ և կոչ է արել կա՛մ արգելել, կա՛մ այն հասանելի դարձնել բոլոր երկրների համար:
«Այսօր մենք կանգնած ենք անարդարության խնդիրների առջև … Նրանք, ովքեր միջուկային զենք ունեն, այն որպես ճնշման միջոց են օգտագործում, սպառնում են նրանց, ովքեր դա չունեն: Կա՛մ այն պետք է արգելվի բոլորին, կա՛մ թույլատրվի բոլորին»,- ասել է Էրդողանը:
Նա նաև կոչ է արել բարեփոխել ՄԱԿ-ի Անվտանգության խորհուրդը: «Աշխարհը բաղկացած է հինգից ավելի երկրներից (Անվտանգության խորհրդի մշտական անդամներ): Արդեն վաղուց ժամանակն է փոխելու այս մտածելակերպը»,- ասել է Թուրքիայի նախագահը:
