Առաջիկա ամառային տրանսֆերային պատուհանի ժամանակ կարող է կայանալ ֆուտբոլի պատմության ամենաաղմկոտ տրանսֆերային գործարքը: Ընդ որում, այն կարող է եռակողմանի լինել:
Ինչպես արդեն հայտնել ենք, «Մոնակո»-ի սեփականատեր Դմիտրի Ռիբոլովլևը, հարձակվող Ռադամել Ֆալկաոն և նրա գործակալ Ժորժե Մենդեշն ընթրել են «Մանչեսթեր Սիթի»-ի մարզական տնօրեն Չիկի Բեգիրիստայնի հետ: Ավելի ուշ նրանց միացել է «Ռեալ»-ի նախագահ Ֆլորենտինո Պերեսը:
Marca-ի տեղեկությունների համաձայն` ամառային տրանսֆերային պատուհանի ժամանակ կկայանա ֆուտբոլիստների իրավունքների եռակողմանի փոխանակություն: Ֆալկաոն «Մանչեսթեր Սիթի» կտեղափոխվի, Սերխիո Ագուերոն` «Ռեալ», իսկ Անխել Դի Մարիան` «Մոնակո»:
